Bertsoa.com - Bertso plaza digitala

Albisteak

• Eskolarteko Bertsolari Txapelketak |2013/05/24

  Bertsolari gazteak oholtzara gaur Iparraldean eta Gipuzkoan

  Miarritzen Bertsulari Ttipi Eguna ospatuko da gaur Jai Alai ezker paretan. Sehaskako 400 ikasle elkartuko dira bertan eta Amets Arzallus eta Sustrai Colina ere kantuan ariko dira Oskar Estangak musikaz lagunduta. Gipuzkoako Eskolarteko Bertsolari Txapelketako saioa, berriz, Lazkaon egingo dute.

• Ekainaren 7an, Plateruena Kafe Antzokian, 23:00etan |2013/05/24

  Durangaldeko bertsolarien kopla txapelketa

  

  Durangaldeko bertsolarien arteko Kopla txapelketa antolatu dute Plateruenan ekainaren 7rako. Ekitaldian 12 bertsolarik hartuko dute parte eta afalondoan jokatuko da saioa. Afarirako sarrerak salgai Kafe Antzokian eta Kafe Antzokiko webgunean. Txapelketarako sarrera doan da.

• Asteburuko agenda |2013/05/24

  Bertso-saioak izango dira gaur Oñatin, Lemoizen eta Donostian ere

  Oñatin "Ez gara Palestinaz ari" emanaldi berezia izango da ikusgai; Lemoizen bertso-afaria egingo dute Sebastian Lizasok eta Arkaitz Estiballesek eta Donostian Agin Rezolak eta Alaia Martinek ere bertso-afaritan kantatuko dute.

• 14:30etan, Kultur etxean |2013/05/23

  'Arabako bertso-eskolek 11 opari' emanaldia gaur Kanpezun

  “Arabako Bertso-eskolek 11 opari” egitasmoa martxan da eta gaur emanaldia izango da Kanpezun, 14:30etan kultur etxean. Bertso-eskolen ekimena da eta 'Bertso-eskolak herriari egiten dion opari' gisa planteatzen dute ekitaldia.

• DF Bertsozale Eskola, Plateruenan 19:30etan |2013/05/23

  Jon Maiak doinua eta kantakerari buruzko hitzaldia emango du gaur Durangon

  Durangoko DF Bertsozale Eskolak antolatutako jardunaldien baitan, gaur Jon Maia bertsolariak hitz egingo doinuaz eta kantakeraz. Aurtengo edizioko hirugarren edizioa da eta zuzenean jarraitu ahal izango da www.plateruena.net webgunean.

• Begoñako auzo etxean, 19:30etan |2013/05/23

  'Bat-batean' bertso musikatu emanaldia gaur Bilbon

  'Bat-batean' bertso emanaldi musikatua eskainiko dute gaur Oskar Estangak eta Etxahun Lekuek Bilbon, Santutxu auzoan, Begoñako auzo etxean. 'Bat-batean' emanaldi berezia musika eta bertsoa uztartzen dituen proiektua da, Estangak bultzatua.

• Andra Marin, 21:00etan |2013/05/23

  Enbeita, Elortza, Iturriaga eta Ugartetxea Durangon

  Geu Be elkartearen 10. urteurrenaren bueltan, bertso jaialdia izango da gaur Durangon: Beñat Ugartetxea, Igor Elortza, Unai Iturriaga eta Onintza Enbeita arituko dira kantari, Geu Be Elkarteak antolatuta. Jaialdia 21:00etan izango da, Andra Marin.

• Bihar Miarritzen, Jai Alai Ezker paretan, 10:00etan |2013/05/23

  Bertsolari Ttiki Eguna, lehiarik gabe aurten

  Bertsolari Ttiki Eguneko lehen ekitaldia egingo da bihar Miarritzen. Urtero bezala gaztetxoek bertsolaritzaz gozatzeko egun handia izango da. Aurten gainera berrikuntzekin dator: batetik ez da Xapelketarik izango eta bestetik bi ekitaldi izango dira, Miarritze eta Gabadin. Seaskako 700 ume inguru bilduko dira eta Euskal Herrian umeekin ekitaldi handienetakoa izango da. Bihar, besteak beste, Amets Arzallus, Sustrai Colina eta Oskar Estanga izango dira bertsoa eta musikaz giroa pizten Miarritzen.

• Eskolarteko Bertsolari Txapelketak |2013/05/23

  Kanpezun topaketak egingo dira gaur

  Eguerdiko 14:30etan izango da hitzordua Kultur Etxean. Lehenengo bertso-sortak kantatuko dituzte taldeka eta ondoren bat-bateko saioa egingo dute.

• Amaia Agirre elkarrizketatuko du Jon Artanok |2013/05/23

  Xenpelar Dokumentazio Zentroari bisita Hitzetik Hortzeran

  

  Bertsolari Txapelketa Nagusiaz ere ariko dira programan eta 2009ko edizioko bertsoaldi gogoangarriak eta aurtengorako bertsolariei egindakon argazki-saioko irudiak erakutsiko dituzte.